UDAN

satemene aku ora mentalan
yen kowe gelem aweh dalan
ing kitir kang takgawa saka prepat kepanasan
kacetha atur pambagya lan kabar suka marang bumi kelairan
marang manungsa
marang kewan lan thethukulan
lan kabeh kang njegreg apadene kang gegremetan

tansah semayan
aku ora teka salah papan
kowe sangsaya aleman

yen prabu rama sawadya mbendung samodra agawe dalan
kanggo mbrastha watake buta yak-yakan
kowe nawu segara kanggo nggedhekake wetenge buta

yen anoman njabel gunung
kangggo nyampurnakake patine si dasamuka ya rai sepuluh
saiki alas bosah-baseh gunung jugrug mung kanggo
njembarake raimu!

Nggalek, Januari 2013


KOMENTAR:


satemene guritan iku uga sawijine piranti kanggo ngabarake. ngabarake rasa lan angen-angene penggurite. kadidene sarana kanggo ngabarake, guritan kudune duwe cara seje, beda karo cara kang digunakake dening alat pekabaran liyane (upamane warta ringkes ing kala-/ari-warti).

ajamaneh karo "warta ringkes", selagine karo golongane anggitan kaya ta crita cekak, sandiwara (teks/naskah) wae ya kudune beda. Cethane, upamane, guritan kuwi dudu pedhotan crita cekak, utawa pawarta saka koran, kang merga ditulis kanthi tatanan aksara (tipografi) kaya salumrahe guritan wae banjur diarani guritan. malah kosokbaline, ana guritan kang becik tunilis kanthi tipografi kayadene gancaran.

tegese, kang marakake sawijining guritan dibiji becik iku ora amarga tipografine, uga ora saka akehe kedadeyan: tiba pas dhong-dhinge suwara (guru lagu), nanging amarga pangrakiting tembung dadi ukura gurit kang pancen seje, khas. kakehan tiba ing dhong-dhinge suwara kaya guritan ndhuwur iki malah ora beda karo sayur, jangan, kakehan uyah. dadine rak kasinen.

amarga pangrakiting tembung kanthi ngerigake sakehing piranti, wirama, wilangan, dhong-dhinging suwara, pralambang, pasemon, personifikasi, sanggit, lan liya-liyane (bapak/ibu dhosen lan para mahasiswa/i mesthi isih apal kabeh kuwi) padatane banjur ora sadhengah pawongan bisa enggal nampa "kabar" kang winartakake dening sawenehing guritan (kang becik). --saka kene wae wis bisa katitik manawa guritan "UDAN" iku klebu ewoning guritan kang ora becik, ora bisa ngadeg jejeg kadidene guritan, ananging mung kayadene tugelan pawarta kang ditata tharik-tharik saemper guritan.

sumangga

Read More

AYO GAWE BUKU

Adhedhasar keputusan Rapat OPSJ (Organisasi Pengarang Sastra Jawa) ing Wisma Seni Taman Budaya Jawa Tengah (ing Surakarta) 25 Februari 2012, ”Penerbitan buku sastra Jawa sebisa mungkin mempertimbangkan prinsip regenerasi, di samping apresiasi terhadap mereka yang telah memiliki pergumulan lama di jagat kreasi sastra Jawa,” (Keputusan Rapat, Nomer 4) pramila sumangga sami anyengkuyung ayahan menika.

Kangge miwiti ayahan menika, para mahasiswa/i ingkang remen ngripta geguritan lan/utawi crita cekak saget ngintunaken karyanipun dhumateng “Panitia” lumantar pos-setrum: sastrajawa@yahoo.com utawi sastrajawa@gmail.com kanthi wewaton:

A. Pangripta

(1) ngantos wulan Mei 2012 taksih mahasiswa/i (diploma, S-1, S-2, S-3) lan/utawi umuripun dereng langkung saking 25 taun.

(2) WNI utawi WN pundi kemawon

(3) saget ngintunaken guritan lan/utawi crita cekak langkung saking setunggal (salajengipun badhe dipunpilih dening Panitia)

(3) Sarujuk kaliyan paugeran ingkang dipundamel dening Panitia

B. Karya

(1) wujudipun geguritan lan/utawi crita cekak

(2) saget riptan enggal utawi ingkang sampun nate kapacak ing ariwarti/kalawarti utawi babaran sanesipun kejawi buku

(3) temanipun bebas, sauger boten ngandhut samukawis bab ingkang saget dados dhak-dhakan dumadinipun dredah prekawis suku, ras, lan agami

(4) boten awujud utawi kenthel raos propaganda partai utawi ingkang sairip punika

(5) ngginakaken basa Jawa, kalebet basa Jawa Surabaya, Tegal, Banyumas, Suriname, Sala, Yogya, Bojonegoro, lan sanes-sanesipun

(6) kaserat mawi font Cambria utawi Times New Roman ukuran 14 utawi 16, spasi 1 (padhet), rata kering (kiri), lan boten prelu kinanthenan gambar utawi rerenggan sanesipun

(7) kasimpen wujud file kanthi format RTF lan kakintun mawi attachment dhumateng alamat: sastrajawa@yahoo.com utawi sastrajawa@gmail.com kinanthenan FOTO lan BIODATA pangriptanipun lan asil scan kartu Mahasiswa utawi KTP kangge mbuktekaken yen pangripta taksih dereng yuswa sanginggilipun 25 taun lan/utawi taksih mahasiswa/i

(8) Naskah dipunentosi Panitia ngantos satelat-telatipun 21 April 2012, awit kaangkah 20 Mei 2012 sampun saget wujud buku

C. Pangripta – OPSJ – Penerbit

(1) OPSJ badhe ngragati lan nggandheng penerbit anggota IKAPI kangge mbabar buku menika

(2) Pangripta badhe nampi hak-ipun wujud ”royalty” ingkang mangke badhe dipunrembag malih, kadospundi teknis-ipun. Upaminipun, menapa “royalty” saget dipun sarujuki dipunwujudaken (arupi) buku, saengga saget langsung kacaosaken, boten ngentosi pajengipun buku

(3) OPSJ lan para pangripta purun saiyeg-saekapraya ngupaya amrih buku ingkang kababar dados buku laris, kanthi ”gerakan adol buku” upaminipun, lan ngawontenaken acara sarasehan (bedhah buku) ing kampus-kampus, sanggar, saha komunitas sanesipun.

(4) OPSJ badhe yasa (mangun) kacamaya (laman) amrih sangsaya jembar tebanipun wara-wara bab buku menika mangke

(5) Sakderengipun ngintunaken karyanipun, pangripta saget miterang, bokbilih wonten bab-bab ingkang dereng kacetha ing andharan menika. Nuwun.


Malang, 1 Maret 2012

BONARI NABONENAR
sekretaris OPSJ

Read More

JLEGUR

user identiti: bonari
password: *******

jlegur!
ambyur telenging talaga
rembulan klumut
lintang klumut
pedhut kasaput warna lumut
kaladuk sengsem mbacut kepencut

jlegur!
ambyur ing bening tirta
yen ditaker sengseming lumban asmara
mung saglugut pinara sasra
wis ben cupumanik astagina
ginawa sapa
cinidra sapa
sengsem lelumban ing talaga
dadi kecebong ya ora apa-apa
jleg!

Sawojajar, November 2011

Read More

SAJRONING SEPI [1]

kijenan ing wengi dhedhet mbrangkang
tumuju awan kenthang-kenthang
srengenge lan lintang-lintang
kaya dudu sanak dudu kadang


godhong garing temangsang carang
ora njengking ora ngathang-athang

lali dina lali pasaran
--iki wis jam pira—pitakone marang
gedheg semrawang
atine mamang
nyawang kang lagi anguk-anguk lawang

sawojajar2 okt 2009

Read More

EMPLEK-EMPLEK…

emplek-emplek kecepit
wong lanang goleka dhuwit
alah wayah golek golek pisan
golek ritek wong lanang aja korupsi
alah wayah korupsi korupsi pisan
korupsi ritek wong lanang aja kakehan
alah wayah kakehan kakehan pisan
kakehan ritek wong lanang aja ketangkep
alah wayah ketangkep ketangkep pisan
lamon ketangkep wong lanang aja dibui
alah wayah

embuhlah....!

agustus 2010

dipunplesetaken saking tembang dolanan Emplek-emplek Ketepu

Read More

ORA PRELU NGRAPAL SIREP

lamon wus gilig ati karep
ora prelu ngrapal sirep
aja wedi peteng
aja wedi lunyu
ndang budhala ki sanak
aja lali gondhelan sing siset

Cakul, April 2009

Read More

ANA LINTANG TIBA NENG LATAR

kembang ora prelu mekar
lan saupama srengenge ora sumunar
tresna wus arum mangambar
pajar sumyar
kae lho
ana lintang tiba neng latar

Cakul, April 2009

Read More

TRESNA

dheweke terus jumangkah
kaya sang andonlampah kang ora nate lungkrah
polatane tansah sumringah
tatu, kacintrakan, lamon timiba
tangeh lamon bakal tumama:
mung aran-aranan salahkaprah
jalaran dheweke jatining tresna

asalira tresna
busana trena
watak tresna:
jatining tresna


Cakul, April 2009

Read More

tak tak tak

percaya tak percaya
suka tak suka
sakit tak sakit
mau tak mau
makan tak makan
memilih tak memilih
tak tak tak

tak percaya percaya
tak suka suka
tak sakit sakit
tak mau mau
tak makan makan
tak memilih memilih
tak tak tak

tak

2009

Read More

di puncak menara

pengurus rumah ibadah itu telah menutup matanya di siang terik
layaknya lakilaki renta ia begitu rapuh
di kegemerlapan yang menyiksa
ia kehabisan suara untuk berteriak memanggil cahaya
hiruk derak roda peradaban pun memekakkan telinganya
debu menebal mengotori nadi dan menyumpal paru
jantung gemetar dan lakilaki renta itu pun roboh menggelepar

di ambang sakaratul mungkin ia akan melihat
betina dan jantan penthalitan
dengan api dan gelas di tangan
dan lantai jadi kubangan
ceceran kencing dan muntahan
persis di puncak menara rumah ibadah itu
tidakkah kau juga melihatnya
sodaraku?

betapa meriahnya pesta itu!
di puncak menara
menari bersama
sebelum roboh
menimpa senja

[28 feb 09]

Read More

DI DALAM GELAP [1]

di pungung sepi malam tertancap kakiku
udara nyaris beku
dan gelap semakin bisu
belantara macam apa lagi ini
tanpa pohon dan binatangnya serasa tinggal aku:
menggigil di punggung sepi
di ceruk malam gelap bisu


mungkin aku telah melewati kubur pengarang
dan beberapa kali tersandung nisan penyair

tak henti aku melolong
memanggil dan menyebut nama yang kukenal
--atau yang kurasa kukenal
tetapi tetap saja semua bisu
udara bisu
dan langit hanya memantulkan suaraku
yang lalu semakin tajam menusuk-nusuk gendang telingaku

semua makin bisu dan aku makin menancap
di punggung sepi
malam
di dalam gelap
ketika semua bisu
beku
[]

Malang, Maret 2008

Read More

donga

[1]

dhuh Allah pangeran kula
lumuntura sih welas paduka
dhumateng jiwangga kula
ugi kekiyatan kangge ngemban sesanggeman
mrantasi sakeh pepalang
mentas saking telenging pacoban
kang trubus samargi-margi
dhuh Gusti
kang yasa lintang rembulan
amemasri ratri
mugi kula tansah amanggih rahayu


dhuh Allah pengeran kula
lumuntura sih welas paduka
dhumateng jiwangga kula
ingkang kadereng nuladha
tabetipun Nabi Muhammad junjungan kula
awit sih berkah paduka
ambeg adil paramarta

dhapur titah kang kajibah jejer kalifah
rinten dalu namung berkah lan sih welas paduka
dhuh Allah pengeran kula
ingkang kula cadhong
murih kula kuwagang
amangun bebrayan
amangun kulawarga
amangun jiwangga kula

dhuh Allah pengeran kula
igkang maha angayomi
ingkang maha welas
ingkang maha asih
paringana jiwangga kula punika
sifat ayom sifat welas sifat asih
saengga jiwangga kula
mupangati tumrap bebrayan puniki



[2]

dhapur titah kang kajibah dadya kalifah
bebasan anggelak lampahing baita
kula nyadhong lumunturing berkah paduka
dhuh Allah kang maha kawasa
mugi angin dadosa kekiyatan
mugi ombak lumembak tumut anggelak
sampun ngantos manjilma dados prahara

dhuh Allah pengeran kula
ingkang maha tresna
ingkang paring garwa-putra
dhumateng jiwangga kula
paring rahmat baita edi rinengga
tresna-asih murakabi salebet sanjawining baita
kang saya ageng saya anengah samodra

dhuh gusti
dhuh Allah kang maha tresna
namung lumunturing tresna paduka
ingkang anjampangi lampahing baita nenggih
nempuh ombak lumembaking gesang puniki
mugi tansah kinanthi rahayu
kalis saking sambekala []

Read More

CINTA YANG KUBAYANGKAN DALAM SEPIKU

dingin pun menunduk
di hadapan hatiku
yang menghangat berkat cahaya cintamu


cinta yang kubayangkan dalam sepiku
seperti cinta rama pada sinta
yang memijar menegakkan bunga layu
cinta sawitri yang yang mengidupkan kembali
setiawan pujaan hati
cinta yang membakar negri angkara alengkadiraja
bukan cintayang mematahkan tulang ambin
pengantin baru

cinta yang kubayangkan dalam sepiku
di gelap malam
bunga dan pucuk-pucuk daun
ranting kering pun
bercahaya
apakah senang
apakah bagahia
apakah aku ada
atau tiada
cinta yang kubayangkan dalam sepiku
begitu indah
begitu sempurna

[]

Read More

MALAM YANG HANGAT

malam datang
setelah sejenak bimbang
saat ekor mentari memanjang
melintas bianglala
dan kehangatan yang kaukirim
via sms memijar langit
membasuh awan


gerimis melintas
sejenak ragu
sejenak malu
karena malam yang hangat
mengiriminya kedip
bintang yang hampir sama hebohnya
dengan kedipmu yang kutangkap
dalam mimpiku

[]

februari 2008

Read More

WONG DRUBIKSA

delengen polahtandange wong drubiksa
nyaru sanak nyaru tangga
nggelak lakune angkara
apa kowe trima?
langit kobong
alas kobong
pasar kobong
rembulan gosong
kuthaku kuthamu kobong
apa kowe trima
kamarmu nggo jagjagan wong drubiksa?


o
oo
ooo…
ora trima ora trima
ora trima ya arep ngapa?
sawise kobong ngalengkadiraja
sapa bisa niteni
endi munyuk endi bajinguk
sapa bisa
sapa bisa
[]


surabaya, januari 2002
[saka: spm, 10 februari 2002]

Read More

IKI TEMBANGE UDAN

daksesep wangine kembang mekrok
udan nggejibrah
angin nggebes

atiku isih krasa gerah
kepanggang adhem lan goreh


pupus klapa mobat-mabit
nalika udan nembangake mangsa rongeh

angin ya leren
sedhela
wiwi njoget maneh nalika grojogan ngesok
wirama sampak

kali banjir
dalan megung
ora kongang nglarung perihe urip tandhas balung

iki tembange udan
jogede angin
ing dina sing selot lungkrah
srengenge kobong
rembulan pecah
lintang surem cahyane ilang
langit kucel beninge ilang
lintang gogrog awor larahan []


surabaya, januari 2002
[saka: suket, surabaya post, 10 februari 2002]

Read More

HATI YANG CINTA

dalam mimpi kuingin melihat kau menari
berbaju kabut berselendang pelangi
dan aku harap angin berhenti
bintang dan bulan berhenti
pepohon mabuk
dan lunas segala harap
segala pinta


bunga tak perlu mekar
dan burung tak perlu kicau
sebab hati yang cinta punya wangi
dan lagunya sendiri

marilah menari
di dalam mimpi
mimpi yang tak bergantung pada malam
pada tidur
pada angin
[]



hampir tengah malam
ketika enggan terbangun

Read More

CATATAN KECIL PERJALANAN

aku pun menumpang
malam lengang
mimpi mengulur
memanjang derita
dan angin meniup luka bulan


lalu kubikin pisau dari luka
matanya juasah pada bara
sebab bila keringat habis tercurah
darah harus makin deras pada hidup
mengalir dari luka ke luka

sebab hidup harus ditegakkan
daundaun disegarkan
daundaun pepohonan
peneduh jalan
pulang pelahan

1992

Read More

PADA SUATU PAGI

orang berharap dapat kabar baik
setelah hujan
seteah angin
setelah badai


tetapi kenyataan terlalu buruk
mimpi pun buruk
seperti semua kita jadi pendosa digilas kutuk


nyanyi seekor burung melintas batas sepi
menuju pagi
suaranya parau riak angin kemarau
seperti sedih
ranting patah menahan pedih
semak terbakar
memerah langit fajar

Januari 1992

Read More

NASIB

nasib telah diguratkan pada telapak kaki
yang melangkah
dan pada telapak tangan yang menggapai
dan apakah angin apakah siapa sering hanya pasrah
pada cuaca


dan pemberontakan sering beriring dengan iseng
dengan puisi
tak pernah usai



Januari 1992

Read More